Германд нууц мэдээлэл алдагдсан нь холбоотнуудыг хагаралдуулав

Германы Зэвсэгт хүчний офицеруудын ярианы дуу бичлэг алдагдсанаас үүдэлтэй дуулиан Герман, холбоотнуудын хооронд Киевт шинэ зэвсэглэл нийлүүлэх асуудлаар зөрчилдөхөд хүргээд байгаа тухай Блүмберг агентлаг эх сурвалж дурдан мэдээлжээ.

Эл дуулиан Франц, Их Британийн дургүйцлийг мөн хүргээд байна гэж тус агентлаг онцолжээ. Хэрэг явдалтай холбогдуулан холбоотнууд нь Берлинээс нууц мэдээллийн аюулгүй байдлыг хангах арга хэмжээгээ чангатгахыг шаардсан байна.

Германы Цэргийн сөрөг тагнуулын алба нууц мэдээлэл хэрхэн алдагдсаныг мөрдөн шалгаж байна. Германы Бундесверийн өндөр албан тушаалтнууд алсын зайн тусгалтай “Taurus” пуужингаар Крымийн гүүрэнд халдлага зохион байгуулах боломжийг хэлэлцэж байсан гэнэ. Тэдний ярианы бичлэгийг Оросын RT агентлагийн ерөнхий редактор Маргарита Симоньян гуравдугаар сарын 1-нд нийтэлжээ. Түүний хэлснээр, бичлэгийг мөрдөстэй нөхдөөсөө авсан гэнэ. Цахим хэлбэрээр явуулсан хэлэлцүүлэгт Бундесверийн цэргийн нисэх хүчний сургалт, цэргийн ажиллагааны хэлтсийн дарга Франк Грефе, Бундесверийн сансрын командлалын агаарын ажиллагааны төвийн ажилтан Штефан Фенске, Фроштетде /нэрийг нь дурдаагүй/ оролцжээ.