Хорт хавдрын эсүүдийг “өлсгөх” замаар устаж болохыг тогтоожээ

Я.Болор | Zindaa.mn
4 цагийн өмнө

АНУ-ын Ван Андел хүрээлэнгийн эрдэмтэд хорт хавдрын эсийг өөхөөр “хооллох” боломжгүй болгосноор ферроптоз үхэлд хүргэх боломжтой болохыг тогтоожээ.

“Cell Chemical Biology” сэтгүүлд бичсэнээр, хорт хавдрын эсүүд хүний бие дэх өөхийг өөрсдийнхөө өсөлтөд түлш шиг хэрэглэдэг байна. Судлаачид энэхүү үйл явцыг зогсоох боломжтой эсэхийг судалжээ. Ингэхдээ тэд ферроптоз буюу хорт хавдрын эс дэх өөхний молекулууд гэмтээснээр эсүүд өөрсдийгөө устгадаг аргыг анхаарч үзсэн байна. Сүүлийн жилүүдэд ферроптозыг хорт хавдартай тэмцэх шинэ ирээдүйтэй арга гэж үздэг болжээ. Хорт хавдрын эсүүд хүний дархлаанаас зугтаж чаддаг бол энергийн эх үүсвэр болсон өөхгүйгээр амьдарч чаддаггүй аж. Лабораторид явуулсан туршилтаар хорт хавдрын эсүүдийн өөх хэрэглэх боломжийг хязгаарлах замаар устгах боломжтой болохыг харуулжээ. Судлаачид нэмэлт судалгаа явуулах шаардлагатай гэж үзэж байгаа ба өдгөө хоолны дэглэм өөхний эсийн идэвхжил, ферроптозд хэрхэн нөлөөлдгийг судалж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (59.153.114.96)  3 цагийн өмнө

Монголд зарим мундаг лам нар өлсөх замаар хорт хавдраа эмчилсэн түүх яриа цөөнгүй байдаг: Манайд энэ аргыг дэлхийд гаргах боломж эмч нарын дунд байсан шүү. Анагаахын нобелийн шагналтан төрөх боломжтой байждээ.

0  |  0
Top