Гивлүүр зүүхээс татгалзсан эмэгтэйчүүдийг “эмчилнэ”

Ираны нийслэл Тегеран хотод хижаб зүүхээс татгалзсан эмэгтэйчүүдэд зориулсан сэтгэцийн эмнэлэг нээгдэнэ. Тус улсын хуулиар эмэгтэйчүүд олон нитийн газар хижаб гивлүүр зүүх үүрэгтэй.

Ираны Эмэгтэйчүүдийн асуудал эрхэлсэн газын тэргүүн Талеби Дарестанигийн хэлснээр, эмнэлэгт эмэгтэйчүүдийн хижабаа тайлах гэсэн хүслийг дарах сэтгэцийн болон анагаахын эмчилгээг сайн дурын үндсэн дээр үзүүлэх аж.

Иран улсад хижабтай холбоотой зөрчил, маргаан гарах нь элбэг. 2023 онд хижаб өмсөхөөс татгалзсан эмэгтэй жүжигчдэд кинонд тоглохыг хориглож байв.