Шаардлагатай тохиолдолд цэргийн зэвсэг, техникийн үйлдвэрлэлээ нэмэгдүүлэхэд бэлэн байна

Оросын “Ростех” корпорац шаардлагатай тохиолдолд цэргийн зэвсэг, техникийн үйлдвэрлэлээ улам өргөжүүлэн нэмэгдүүлэхэд бэлэн байна. Оросын батлан хамгаалах аж үйлдвэрийн цогцолбор түргэн дасан зохицох, үйлдвэрлэлээ өргөжүүлэх чадвартай болохыг Цэргийн тусгай ажиллагаа нотлон харуулсан юм гэж “Ростех” корпорацын ерөнхий захирал Сергей Чемезов сэтгүүлчдэд мэдэгдсэн байна.

“Хэрэгцээтэй бол бид үйлдвэрлэлээ нэмэгдүүлнэ. Армийн хэрэгцээнд тохируулан бид үйлдвэрлэлээ хурдан өөрчилж, нэмэгдүүлж чадаж байгаа. Үүнд зөвхөн зэвсгийн хүчин чадлыг сайжруулах төдийгүй мөн шинэ зэвсэг үйлдвэрлэх чадвар багтана” гэж тэр тэмдэглэжээ. Түүний хэлснээр, дэлхийн аль ч улс их бууны сум, агаарын тэсрэх бөмбөг Орос шиг их хэмжээгээр үйлдвэрлэдэггүй гэнэ.