Д.Дэмбэрэл: Оюутолгойн гэрээ тэгш бусаар үйлчилж ирсэн

Оюутолгойн бүлэг ордын ашиглалтын асуудлаарх сонсголд гэрчээр оролцож буй УИХ-ын дарга асан Д.Дэмбэрэл байр сууриа илэрхийллээ.

Тэрээр хэлэхдээ “Анх “Ivanhoe Mines” компанийн удирдлагууд ирж уулзахдаа дэлхийд гуравт орох ийм том уурхай барих юм чинь зэс хайлуулах үйлдвэр байгуулах боломжтой гэж байсан. Гэвч манайхан гэрээндээ тодотгол хийхдээ дандаа хойшлуулсаар ирсэн. Хөрөнгө оруулагчдыг эхэнд тавьж тодотгол хийж ирсэн. УИХ-ын 57-р тогтоол, 40-р тогтоол, ҮАБ-ын зөвлөлийн тусгасан шаардлагыг биелүүлсэн эсэхийг харах гэтэл гэрээг тодотгохдоо нууцад оруулчихсан юм. Үүнийг л бид харах хэрэгтэй” гэлээ.

Мөн тэрээр цаашид хөрөнгө оруулагч болон монголын талын оролцоог тэгш хангахыг шаардах нь чухал гэдгийг хэлсэн үгэндээ тодотгосон юм.