З.Боргилмаа: ЭХ-ийн 13.14 зүйл анги худал мэдээллийг хязгаарлах үүргийг хэрэгжүүлж чадахгүй ирсэн

Өнгөрөгч арваннэгдүгээр сард Үндсэн хуулийн цэцийн хуралдаанаар Эрүүгийн хуулийн 13.14 "Илт худал мэдээлэл тараах" зүйл анги нь Үндсэн хууль зөрчсөн эсэх маргааныг хэлэлцэж, тус зүйл нь Монгол Улсын Үндсэн хуулийн 1.2, 16.16, 16.17, 70.1 заалтуудыг тус тус зөрчсөн байна гэсэн дүгнэлтийг гаргасан.

Улмаар Үндсэн хуулийн цэцийн дүгнэлтийг Улсын Их хуралд хүргүүлээд байсан бөгөөд өнөөдрийн /2025.12.30/ УИХ-ын чуулганы нэгдсэн хураалдаанаар уг асуудлыг хэлэлцэх гэж байна.

Энэ талаар МСНЭ-ийн дэд ерөнхийлөгч З.Боргилмаа, дээрх зүйл анги нь сүүлийн таван жилийн хугацаанд хэрэгжиж байсан. Гэвч энэ зүйл анги нь практикт худал мэдээллийг хязгаарлах үүргийг хэрэгжүүлж чадахгүй байна. Үүнийг дагаад иргэдийг мэдээ мэдээллээр хангах үүрэгтэй хэвлэл мэдээллийн салбарынхны мэргэжлийн эрх ашгийг хөндөж байгаа талаар мэдээллээ.