Томми: “Бүх юм яг зүүд мэт байна”

Дэлхийн алдарт "1xBet" брэндийн хамтрагч Барселона клубийн хүүхдийн академи болох “Ла Масиа”-гаас дахин нэг хүү тодрон гарлаа. Тэр бол Томми Маркес. Өнгөрсөн тойргийн тоглолтод шинэхэн цэнгэлдэхдээ Майорка клубтэй хийсэн тоглолтод талбайд гарсан юм. Тоглолтын 84 дэх минутад Фермин Лопесийн оронд анхныхаа тоглолтыг хийсэн билээ.

“Ла Масиа”-гийн урд түүхэн зургаа татуулахдаа тэрээр “яг л зүүд мэт байна” гэж сэтгэгдлээ илэрхийлсэн юм. Каталанд мөрөөдлөөрөө амьдарна гэдэг амаргүй. Тэр яг багийнхаа домгуудын замналаар алхаж явна.

Томас Ноел Маркес Морейра нь 2006 оны аравдугаар сарын 10-нд төрсөн. СЕ Европа клубээс 2015 оны зун 10-аас доош насны Барсагийн бүрэлдэхүүнд нэгдэж байлаа. Үүнээс хойш тэрээр түвшин ахисаар Барсагийн өсвөр насны бүх түвшинд талбайд гарч байсан юм. Томми 2023/24 оны улиралд Демм клубт зээлээр тоглосон боловч улирал дундуур 18-аас доош насны багт эргэн дуудагджээ. Тэрээр замналынхаа энэ үед лигийн тоглолтод нэг гоол, Залуучуудын аваргуудын лигт долоон гоол, Эзэн хааны цомын өсвөрийн тэмцээнд таван тоглолтод оролцсон юм. Улмаар гурван цом хүртсэн энэ улиралдаа клубтэй хугацаагаа сунгаж хоёрдугаар багт шилжсэн. Томми 9-р сарын 7-ны өдөр лигийн эхний тойрогт УЕ Порререс клубтэй учраа таарахад гараанд гарсан юм. Одоогийн байдлаар Барселонагийн хоёрдугаар багийн өмнөөс 15 тоглолтод оролцож, хагас хамгаалалтын ур маяг, төлөв даруу зангаараа мэргэжилтнүүдийн анхаарлыг татсаар байна. Үндсэн багийн Герман мэргэжилтэн Ханси Флик түүний тоглолтыг хэд, хэд үзсэний дараа Багийн бүрэлдэхүүнд дуудсан юм.