Аваргуудын лиг: Пари Сен Жермен баг Челси-г 5:2 хожлоо
Францын Пари Сен Жермен баг УЕФА-н Аваргуудын лигийн плей-оффын 1/8 шигшээ шатны эхний тоглолтод Лондонгийн Челси багийг 5:2 оноогоор хожлоо.
Эхний үед Пари Сен Жермен багийн тоглогч Брэдли Баркола гоол оруулж тооны харьцааг нээсэн ч удалгүй Мало Густо оноог тэнцүүлсэн. 40 дэх минутад Матвей Сафонов аюултай довтолгоог хаасны дараа талбайн эзэд сөрөг довтолгоонд шилжиж, одоогийн Алтан бөмбөрцгийн эзэн Усман Дембеле гоол оруулснаар Пари Сен Жермен тэргүүлэв.
Хоёрдугаар үед Челси багийн сөрөг довтолгоо амжилттай болж, Энзо Фернандес гоол оруулснаар тоог дахин тэнцүүлсэн. Тоглолт 74 дэх минут хүртэл онооны зөрүүгүй үргэлжилсэн ч Челсигийн хаалгач Филип Йоргенсен дамжуулалт дээр алдаа гаргаснаар Витинья гоол оруулжээ. Үүний дараа сэлгээгээр орж ирсэн Хвича Кварацхелия хоёр гоолыг багтаа авчирч, тэмцээн олон улсын 1xBet брэндийн албан ёсны түнш Пари Сен Жермений ялалтаар, 5:2 оноотой өндөрлөсөн байна.
Сэтгэгдэл ( 0 )