АНУ-ын ТНБД Марко Рубио Монголын ард түмэнд баяр хүргэж, мэндчилгээ дэвшүүлэв
Үндэсний Их баяр наадмыг тохиолдуулан АНУ-ын ТНБД Марко Рубио Монголын ард түмэнд баяр хүргэж, мэндчилгээ дэвшүүлэв.
Мэндчилгээндээ:
"Америкийн Нэгдсэн Улсын нэрийн өмнөөс Үндэсний их баяр наадмаа тэмдэглэж буй Монголын ард түмэнд чин сэтгэлийн халуун мэндчилгээ дэвшүүлье.
Үндэсний их баяр наадам нь Монгол Улсын баялаг түүх, нүүдлийн өв соёл, үндэсний бахархлыг илэрхийлдэг эрхэм баяр юм. Америкийн Нэгдсэн Улс, Монгол Улсын харилцаа нь ардчилал, эрх чөлөө, хууль дээдлэх ёс, бүрэн эрхт байдлыг хүндэтгэх зэрэг нийтлэг үнэт зүйлд тулгуурлан Стратегийн гуравдагч хөршийн түншлэлийн хүрээнд тууштай хөгжиж ирлээ. Ирэх 2027 онд дипломат харилцаа тогтоосны 40 жилийн ойг угтахын зэрэгцээ энэхүү түншлэлээ цаашид улам бэхжүүлэн хөгжүүлэхийн төлөө бид хамтран ажиллах болно.
Монголын ард түмэн Та бүхэн жаргалтай дэлгэр, амар тайван, сайхан наадаарай" гэжээ.
Сэтгэгдэл ( 0 )