Буриад улсад нэг хоногт баавгай үзэгдсэн тухай 32 мэдээлэл иржээ

Буриад улсад анчид өнгөрсөн нэг хоногт хүмүүст аюул учруулсан 14 баавгайг устгажээ. Өнгөрсөн 24 цагт баавгай суурьшлын бүсэд орж ирсэн тухай нийт 32 мэдээлэл ирсэн байна.

Энэ он гарснаар Буриад улсад нийт 149 баавгайг устгасан байна.

Баавгай суурьшлын бүсэд орж ирж байгаатай холбогдуулан хот, дүүргийн сургуулиудад зайнаас хичээл орох зөвшөөрөл олгожээ. Түүнчлэн, Буриад улсын тэргүүн Алексей Цыденов ойн бүсэд аливаа арга хэмжээ зохион байгуулахыг хориглоод байна.