Айлын хотонд нэвтэрсэн баавгайг устгажээ

Увс аймгийн Малчин суманд айлын хотонд нэвтэрсэн баавгайг устгалаа.

Увс аймгийн Засаг даргын орлогч С.Анхбаяр энэ талаар "Увс аймгийн нутаг дэвсгэрт олон тооны баавгай орж ирж, иргэдийн аюулгүй амьдрах орчинд аюул учруулж байгаатай холбогдуулан аймгийн Засаг даргын захирамжаар ажлын хэсэг байгуулсан.

Үүнтэй холбогдуулан 2026 оны 09 дүгээр сарын 21-ний өдөр ажлын хэсгийн зүгээс Байгаль орчны яамнаас чиглэл авах, шаардлагатай тохиолдолд агнах зөвшөөрөл олгуулах хүсэлт бүхий албан бичгийг хүргүүлсэн.

Засгийн газрын 2026 оны 09 дүгээр сарын 23-ны өдрийн хуралдаанаар иргэдэд аюул заналхийлсэн тохиолдолд цагдаагийн байгууллагын хяналт дор 1-3 тооны баавгайг устгах зөвшөөрөл олгосон.

Үүний дагуу Малчин суманд айлын хотонд нэвтэрч, иргэдийн эд хөрөнгө, амь насанд бодит аюул заналхийлсэн баавгайг устгалаа.

Энэ асуудалтай холбоотойгоор янз бүрийн шүүмжлэл гарч, амьтны эрхийн асуудлыг хөндөх нь ойлгомжтой. Гэхдээ хүний амь нас, аюулгүй байдал нэн тэргүүнд тавигдах ёстой. Монгол Улсын Үндсэн хуульд заасан иргэнийхээ амьд явах эрхийг хамгаалах нь төр, захиргааны тэргүүн үүрэг" гэжээ.