МХЕГ төмөр замын тээврийг хянана

Мэргэжлийн хяналтын ерөнхий газар “Улаанбаатар Төмөр зам” хувь нийлүүлсэн нийгэмлэгтэй хамтран ажиллахаар болжээ. Энэ хүрээнд МХЕГ-ын даргын үүргийг түр орлон гүйцэтгэгч Д.Батмөнх, Улаанбаатар Төмөр зам (УБТЗ)-ын даргын үүрэг гүйцэтгэгч Г.Сэрээнэндорж нар “Төмөр замын тээвэрт мэргэжлийн хяналтыг хэрэгжүүлэхэд хамтран ажиллах гэрээ”-нд гарын үсэг зурсан байна

Энэ дагуу хоёр тал төмөр замын тээвэрт холбогдох хууль тогтоомж, дүрэм, журам, стандартын хэрэгжилтэнд хяналт тавин, МХЕГ-ын Эрүүл мэнд, боловсрол, соёл, шинжлэх ухааны хяналтын газар нь УБТЗ-ын Хяналтын албаны Эрүүл мэндийн хяналтын хэлтсийг мэргэжил, арга зүйгээр ханган ажиллах ажээ. Түүнчлэн УБТЗ-ын Хяналтын албаны Эрүүл мэндийн хяналтын хэлтсийн зургаан байцаагчид мэргэжлийн хяналтын улсын байцаагчийн эрх олгосон талаар албаныхан мэдээллээ.