Топ модель Х.Бадамгэрэл боллоо

 Энэ жил 26 дахь удаагаа зохиогдож буй “Гоёл 2015” наадам өчигдөр Соёлын төв өргөөнд шилдгүүдээ тодруулсан . Тэмцээний салхийг хагалж “Шилмэл загвар” ХХК-ийн дизайнер Х.Өнөболорын гоёлын даашинзыг дэлхийн супер модель Ирана Пантаева өмсөн тайзнаа алхсан. 100 гаад загвар өмсөгч оролцсон уг наадмын хамгийн их догдлуулсан мөч бол оны шилдэг “Топ модель” шалгаруулах явдал юм. Тэгвэл энэ жилийн “Топ модель” “Андра модель ангентлаг”-ийн захирал, Азийн топ модель, мисс, загвар өмсөгч Х.Бадамгэрэл боллоо. Түүний шагналыг нүдээ олсон шагнал боллоо гэж үзэгчдийн зүгээс үнэлэлт дүгнэлт өгөөд байгаа. Тэрбээр загварын тайзнаа 10 жил алхаж, монголын загварын ертөнцөд өөрийн гэсэн орон зайтай, үнэтэй хувь нэмэр оруулж яваа нэгэн юм.

Д.Солонго