Видео: Анжелина Жоли НҮБ-ын чуулганд үг хэллээ

Америкийн алдарт жүжигчин Анжелина Жоли энэ сарын 29-нд НҮБ-ын Ерөнхий Ассамблейн чуулган дээр НҮБ-ын хүмүүнлэгийн элчийн хувиар үг хэллээ.

Жоли “Би энд хүмүүнлэгийн үйл ажиллагааны талаар ярих гэж байна. Энхийг сахиулагчдаас энгийн иргэд айж эмээнэ гэдэг санаанд багтахгүй байна. Энхийг сахиулагч цэрэгт охиноо хүчиндүүлэхээс айж байна гэдэг үнэндээ тэр хүмүүсийн хувьд аюулгүй байдал биш. Дайн, мөргөлдөөнд эмэгтэйчүүдийн эрхийг хамгаалж, энхийг сахиулах үйл ажиллагаанд аль болох олон эмэгтэйг оролцуулах ёстой. Дүрвэгч олон эмэгтэй хүчирхийллийн золиос болж байна. Эмэгтэйчүүдийг хүчирхийлсэн хүн бүхэн шүүхийн өмнө очиж, ялаа эдлэх ёстой” гэж мэдэгдсэн юм.