Рио Тинто компани “Вину” төслийн хайгуулаа үргэлжлүүлж байна
Рио Тинто компани Баруун Австрали мужид орших “Вину” төслийн хайгуулаа үргэлжлүүлж байгаа талаараа мэдээллээ. Зэс болон алтны арвин их нөөцтэй тус уурхай Хедланд боомтоос зүүн өмнө зүгт 350 км-т оршдог юм. Тус уурхайн хойд хэсэгт Рио Тинто компани 24 цооног үүсгэж, өрөмдлөг хийж байгаа аж. Одоогоор төслийн хайгуулын ажилд 250 сая ам.доллар зарцуулаад байгаа аж. Компанийн зүгээс дээрх хайгуулын ажил үр дүнгээ өгч, компанийн ирээдүйн томоохон төслийн нэг болно гэдэгт итгэлтэй байгаагаа мэдэгджээ.
Түүнээс гадна өнгөрсөн сарын сүүлээр АНУ-ын Аризона мужид орших зэсийн уурхайд 302 сая ам.долларын нэмэлт хөрөнгө оруулалт хийсэн юм. Рио Тинто компани дээрх төсөлд Канад болон Хятадын компанитай хамтарна гэх мэдээлэл байсан ч одоогоор энэ талаар ямар нэгэн мэдээлэл тодорхой болоогүй байна.
Холбоотой мэдээ
Сэтгэгдэл ( 2 )
Шүүхэд дуудна дуудуулна гэхээс өөр бүтээнэ босгоно гэдэг юм монгол хүний олгойд орохоо больжээ. Хорвоогийн хогын амьтад бож дууслаа даа.
Эрдэнэт -Овоотын төмөр зам бол Монголын үзэсгэлэнт байгалийг сүйтгэх , эдийн засгийн ач холбогдолгүй ажил. үүнийг оролдсон, концесс өгсөн хүмүүсийг удахгүй шүүхэд дуудах өдөр ирнэ. энэ төслийг эсэргүүцэж байна.