“Нөгөө ах” Хөдөлмөрийн хүндэт медаль хүртлээ

Олон нийтэд “Нөгөө ах” нэрээр танигдсан таксины жолооч С.Алтантулгад өнөөдөр /2019.07.08/ Ерөнхийлөгч Х.Баттулга Төрийн ордонд "Хөдөлмөрийн хүндэт медаль" гардууллаа.

С.Алтантулгыг нийслэлийн Чингэлтэй дүүргийн 18 дугаар хорооны иргэн бөгөөд хувиараа хөдөлмөр эрхлэгч хэмээн шагнал гардуулах үеэр танилцуулж байсан юм.

Тулгар Төрийн 2228, Их Монгол Улсын 813, Ардын хувьсгалын 98 жилийн ой, Үндэсний эрх чөлөө, тусгаар тогтнолоо сэргээн мандуулсны 108 жил, Үндэсний их баяр наадмыг тохиолдуулан Монгол Улсын Ерөнхийлөгч Х.Баттулга хөгжмийн зохиолч Б.Шарав, Н.Жанцанноров нарт “Хөдөлмөрийн баатар” цол хүртээх үеэр ийнхүү С.Алтантулга “Хөдөлмөрийн хүндэт медаль" хүртсэн юм.