Охин сураггүй болоод дөрвөн сарын хугацаа өнгөрчээ

Сэлэнгэ аймгийн Жавхлант сумаас энэ оны дөрөвдүгээр сарын 14-ний өдөр тоглоомын талбайд тоглож байсан есөн настай Б.Ундармаа охин алга болсон билээ. Охин сураггүй болоод дөрвөн сарын хугацаа өнгөрсөн ч ямар нэгэн сураг гараагүй байна.

Цагдаагийн ерөнхий газар, Тагнуулын ерөнхий газрын албан хаагчид тухайн нутаг дэвсгэрт очиж, Сэлэнгэ аймгийн Цагдаагийн газартай хамтран эрэн хайх, сумын хэмжээнд самналт хийх үйл ажиллагааг явуулсан ч үр дүнд хүрээгүй. Мөн ажлын хэсэг гаалийн байгууллагатай хамтран ажиллаж, хяналт шалгалт явуулсан ч сураг гараагүй байдаг.

Цагдаагийн байгууллагын мэдэгдэж буйгаар охиныг эрэн хайх ажиллагааг үргэлжлүүлж буй ажээ.