Мьянмарт гахайн африк мялзан өвчин гарчээ

Өнгөрсөн жил гарсан гахайн африк мялзан өвчин гахайн аж ахуйн түүхэнд хамгийн том гамшиг болж байна. Одоогийн байдлаар тус өвчин Хятад, Монгол, Вьетнам, Камбож, Хойд Солонгос, Лаос улсуудыг хамарч, нийт таван сая гахай үхсэн билээ.
 

Азид бас нэгэн өвчний голомт гараад байна. Мьянмар улсын Шан мужийн Кенгтунг тойргийн Монгла тосгонд африк мялзан өвчин гарсныг тус улсын Хөдөө  аж ахуйн яамнаас мэдээллээ.

Мөн Филиппинд гахайн африк мялзан өвчин гарсан ч Филиппины Засгийн газраас өвчин гарсан гэх бүс нутгийн гахайг бүгдийг нь нядалж, өвчин тархах замыг хаасан байна.