UBIFF: "Олон улсын кино үзвэр"

Нийслэлийн Засаг даргын тамгын газар, Нийслэлийн Соёл урлагийн газар, Монголын урлагийн зөвлөл (МУЗ), Швейцарийн хөгжлийн агентлаг, Бүгд найрамдах Франц улсын Элчин сайдын яам, Монгол дахь Гёте институт, Австралийн Элчин сайдын яам, Монголын Кино урлагийн зөвлөл (МОКУЗ), "Номадиа Пикчерс"-тэй хамтран кино урлагийн салбарын олон улсын хамтын ажиллагааг нэмэгдүүлэх, Монголын кино урлагийн салбарыг хөгжүүлэх, дэлхийн нэр хүндтэй наадмуудад шалгарсан кино бүтээлийг Монголын үзэгчдэд хүргэх зорилготой “Улаанбаатар” олон улсын кино наадам (УБОУКН)-ыг 11 дэх жилдээ 2019 оны аравдугаар сарын 14-20-нд "Улаанбаатар" хотноо зохион байгуулах гэж байна.

Наадамд уламжлал ёсоор олон улсын А зэрэглэлийн кино наадам болох Канн, Берлиний наадмын шинэхэн шагналт бүтээлийг хүргэе.

• 2019 оны Каннын кино наадмын Алтан камер шагналт "Бидний ээжүүд" /Гватемал/
• 2019 оны Берлиний кино наадмын уралдаант хэсэгт Алтан баавгай шагналд нэр дэвшиж, шүүгчдийн шагнал хүртсэн "Бурхан байдаг, Түүний нэр Петруня" /Македони/
• 2019 Каннын кино наадмын шүүмжлэгчдийн долоо хоног хэсгээс SACD шагнал хүртсэн, Шанхайн ОУ кино наадмын шилдэг кино "Дуулахын тулд амьдарна" /БНХАУ/