UBIFF: Үзэгчдийн нэрэмжит шагналыг “Шимэгч” кино хүртлээ

Кино урлагийн салбарын олон улсын хамтын ажиллагааг нэмэгдүүлэх, Монголын кино урлагийн салбарыг хөгжүүлэх зорилготой 11 дэх удаагийн "Улаанбаатар" олон улсын кино наадам аравдугаар сарын 14-20-ны өдрүүдэд нийслэл хотноо амжилттай зохион байгуулагдсан. 

Наадмын хаалтын киногоор Исланд, Дани, Шведийн хамтарсан найруулагч Хлинур Пэлмасоны "A White, White Day" буюу "Цав цагаан өдөр", Өмнөд Солонгосын найруулагч Бон Жун О-гийн "Parasite", "Шимэгч" кино тус тус шалгарч үзэгчдийн хүртээл болсон. 

Наадмын төгсгөлд "Үзэгчдийн нэрэмжит шагнал"-ыг тодруулдаг уламжлалтай. Энэ жилийн тухайд15 улсын кино бүтээлийг Монголын үзэгчдэд хүргэснээс наадмын "Үзэгчдийн нэрэмжит шагнал"-ыг Өмнөд Солонгосын найруулагч, кино зохиолч Бон Жун О-гийн "Шимэгч" кино хүртэж, наадмын бэлгэ тэмдэг  болсон "Шонхор" цом маань Өмнөд Солонгос руу нисэхээр болжээ.