Махатма Гандигийн 150 жилийн ой буюу түүний эшлэлүүд

Энэтхэгийн тусгаар тогтнолын төлөө тэмцэгч, улс төрч Махатма Ганди 1869 оны аравдугаар сарын 2-нд Энэтхэгийн Порбандар хотод төржээ. Түүний боловсруулсан тусгаар тогтнол, эрх чөлөөний төлөө иргэний хүчирхийлэлгүй тэмцэл нь сатьяграха хэмээх нэр зүүсэн юм.

Ингээд Гандигийн мэндэлсний 150 жилийн ойд зориулан, түүний эшлэлүүдийг толилуулъя.

Өөрийгөө олох шилдэг арга бол бусдад үйлчлэхээ болих явдал.

Эхлээд тэд чамайг анхаарахгүй, дараа нь чамайг дооглон инээнэ, удахгүй тэмцэж эхэлнэ. Харин сүүлд нь та ялна.

Хэрэв эрх чөлөөнд алдах эрх багтаагүй бол эрх чөлөө ямар ч утгагүй.

Өршөөх уучлах сэтгэл хүчтэй хүмүүст л байдаг. Харин сул доройчууд уучилдаггүй.

Чиний амьдралдаа хийсэн зүйл өчүүхэн жижиг байж болно. Гэхдээ хамгийн чухал нь чи хийсэн гэдэгт байгаа юм.

Хэрэв дэлхий ертөнцийг өөрчлөгдөөсэй гэж хүсэж байгаа бол чи өөрөө тэр өөрчлөлт нь бол.

Хүчтэй сэтгэл, унтаршгүй итгэл байхад жижигхэн бие ч түүхийг өөрчилж чадна.

Хэрэв надад хошин шогийн мэдрэмж байгаагүй бол би хэдийн амиа хорлосон байх байсан.

Дэлхий ертөнц хүний хэрэгцээг хангаж чадахаар агуу том, гэхдээ хүний хүсэл шуналыг хангахад хэт жижиг.

Хүч гэж биед байгаа булчинг биш, харин аймшиггүй эр зоригийг хэлдэг.

Ямар ч хүчтэнд сул тал байдаг, ямар ч суут ухаантан алдаа гаргадаг гэдгийг санаж яваарай.

Таны үйл хөдлөл үгтэй чинь таарч байгааг аз жаргал гэдэг.

Ганц грамм өөрийн туршлага бүтэн тонн бусдын заавар, үүргээс үнэтэй.

Бурхан бол хайр. Энэ бол миний хүлээн зөвшөөрдөг ганц үнэн. Хайр Бурхантай ижил.

Бурханд шашин шүтлэг гэж үгүй.

Хэрэв чи дайсантай тулгарвал хайраар ял.

Маргааш үхэх юм шиг амьдар, мөнх амьдрах юм шиг суралц.

Эрэгтэй хүнд боловсрол олгосноороо бид нэг хүнийг боловсролтой болгоно. Харин эмэгтэй хүнд боловсрол олговол бүтэн гэр бүлд боловсрол олгож байгаа юм.