Төрийн албаны Ерөнхий шалгалт орон даяар эхэллээ

Төрийн албаны зөвлөлөөс Төрийн албаны Ерөнхий шалгалтыг өнөөдөр /2019.11.16/ 09:00 цагаас орон даяар нэгэн зэрэг эхлүүллээ. 

Улаанбаатар хотод 10 мянга гаруй иргэн, орон нутагт 1000 орчим иргэн шалгалт өгч байна. Төрийн албаны Ерөнхий шалгалт, Монгол хэл, бичгийн чадварын шалгалтыг өнөөдөр, маргааш хоёр өдөр зохион байгуулах юм. Харин дүн шинжилгээ хийх чадварыг энэ сарын 21-ний өдөр авахаар болжээ.

Шалгалтыг дор дурдсан хуваарийн дагуу зохион байгуулна
 

ЕРӨНХИЙ ШАЛГАЛТЫГ
 

• Нийслэлд 11 дүгээр сарын 16-17-ны өдрүүдэд
• 21 аймагт 11 дүгээр сарын 16-ны өдөр

МОНГОЛ ХЭЛ, БИЧГИЙН ЧАДВАРЫН ШАЛГАЛТЫГ
 

• Нийслэл болон 21 аймагт 11 дүгээр сарын 19-ний өдөр,

ДҮН ШИНЖИЛГЭЭ ХИЙХ ЧАДВАРЫГ
 

• Нийслэл болон 21 аймагт 11 дүгээр сарын 21-ний өдөр тус тус авна.