Эртний Хятадын бунхнаас олсон шингэний нууцыг тайлжээ

Я.Болор | Zindaa.mn
2020 оны 09 сарын 22

Хятадын эрдэмтэд хоёр мянган жилийн настай бунхнаас илрүүлсэн хүрэл савтай шингэний нууцыг тайлсан тухай Синьхуа агентлаг мэдээлжээ.

Шинжилгээний дүнгээс үзвэл хүрэл саванд спирт агуулсан эмчилгээний зориулалттай шингэн хадгалагдаж байжээ. Мэргэжилтнүүдийн үзэж буйгаар, эл шингэн бэлдмэлийг цус тогтоох, үрэвсэл намдаахад хэрэглэдэг байсан аж. Энэхүү олдворын судалгааны ажил үргэлжилж байгаа ба эрдэмтэд бэлдмэлийг хийсэн түүхий эд, бэлтгэх үйл явцын талаарх илүү их мэдээлэл олж авахаар судалж байна.

Эртний Хятадын бунхныг энэ оны тавдугаар сард Хэнань мужийн Санмэнся хотын ядуусын хорооллыг тохижуулах ажлын үеэр илрүүлжээ. Урьдчилсан дүгнэлтээр, бунхныг Цинь улсын сүүлч үе /МЭӨ 221-207/ болон баруун Хан гүрний эхэн үед /МЭ 8 он/ бүтээсэн гэж шинжээчид үзэж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
уаэрх (59.153.84.139)  2020 оны 09 сарын 22

Залуужуулагч шингэн ууцгаа 18 настай болно\n

0  |  0
Top