Туркт мөнгөн зоостой томоохон эрдэнэсийн сан олджээ

Туркийн буяны компанийн ажилчид оршуулгын газар ажиллах үеэр мянга гаруй эртний мөнгөн зоос бүхий эрдэнэсийн сан олжээ.

Тэд булшны нүх ухаж байхдаа шавар сав олсон байна. Дотор их хэмжээний эртний мөнгөн зоос байсан бөгөөд ажилчид орон нутгийн захиргаанд мэдэгдсэн байна. Цагдаа нар олдвор олдсон газрыг бүсэлж, археологичид эрдэнэсийн санг үнэлсэн байна.

Керамик саванд 1100 орчим мөнгөн зоос байсныг музейд шилжүүлжээ. Одоо эрдэмтэд олдвор аль үед хамаарах, түүхэн үнэ цэнийг нь тогтоохоор ажиллаж байна.