Эрдэмтэд анх удаа Өмнөд туйлд хув олжээ

Германы Бремений их сургуулийн эрдэмтэд Их Британийн эрдэмтэдтэй хамтран Өмнөд туйлд анх удаа хув олжээ.

Чулуужсан давирхайг 2017 онд Амудсен тэнгисийн ёроолыг өрөмдөж, гаргаж авсан сорьцод илрүүлжээ. Хув нь Цэрдийн галав буюу 90 сая жилийн настай болохыг тогтоосон байна. Өмнөд туйлын хувд эртний модны холтосны хэсгүүд байгаа гэж таамаглаж байна. Энэхүү олдвор нь Өмнөд туйлын нэн эртний шилмүүст ойн орчны талаар мэдээлэл өгнө гэж эрдэмтэд найдаж байна.