Ромын үеийн бунханд эртний дарс шингэнээрээ олджээ

Я.Болор | Zindaa.mn
2024 оны 06 сарын 19

Аргентины Кордобагийн их сургуулийн эрдэмтэд шингэн хэлбэрээрээ хадгалагдан үлдсэн эртний дарс олжээ. Дэлхийн хамгийн эртнийхэд тооцоогдож байгаа 2000 мянга гаруй жилийн настай дарсыг Испанийн Кармона хот дахь эртний Ромын бунханд илрүүлжээ.

“Journal of Archaeological Science: Reports” сэтгүүлд бичсэнээр, шилэн саванд илрүүлсэн шингэн зүйлийг шинжлэхэд орчин цагийн херес цагаан дарсны бүтэцтэй ижил химийн элементүүдийг агуулж байжээ. Үүнээс гадна бунханд хүний чандар бүхий сав, хоёр нүүрт Жанус бурхан сийлсэн алтан бэлзэг олдсон байна.

Микробиологийн шинжилгээгээр дарс хоргүй болох нь батлагдсан ч археологичид хоёр мянган жилийн турш эртний ром хүний чандартай хамт хадгалагдсан дарсны амтыг үзэхээр зориглоогүй байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Уншигч (103.57.92.86)  2024 оны 06 сарын 21

Юун зориггүй улс вэ, манай дуучин хүүхэн 800 жил шарилтай хамт сайтар хадгалагдсан идээ цагаан тосыг амсаж үзээд янзаараа хадгалагджээ гээд л байсан шд. Одоо зүгээр л сайн сайхан байна.

1  |  1
Top