ШУТИС, ХААИС-ийн зарим сургуулийг Өмнөговь, Дархан-Уул аймаг руу нүүлгэнэ
Засгийн газрын өнөөдрийн 2021.09.08/ ээлжит хуралдаан үргэлжилж байна. Хуралдаанаар ирэх арванхоёрдугаар сарын 31-ний өдрөөс өмнө хотын захиргааг Яармаг руу нүүлгэх шийдвэрийг гаргажээ.
Үүнтэй холбогдуулан Засгийн газрын хэвлэлийн төлөөлөгч Ч.Болортуяа мэдээлэл өглөө. Тэрбээр "Засгийн газрын ээлжит хуралдаан үргэлжилж байна. Нийслэлийн Засаг даргын Тамгын газрын нүүлгэн шилжүүлэхтэй холбоотой Засгийн газрын тогтоолыг баталлаа. Улаанбаатар хотын төвлөрлийг сааруулах үүднээс Нийслэлийн нутгийн захиргааны төв цогцолборт НИТХ, Засаг даргын Тамгын газар, Улаанбаатар хотын Захирагчийн албыг 2021 оны арванхоёрдугаар сарын 31-ний өдрийн дотор нүүлгэн шилжүүлэх тогтоолыг баталлаа" гэх мэдээллийг өглөө.
Засгийн газрын тогтоолтой холбоотойгоор бэлтгэл ажлыг хангахыг Хотын дарга Д.Сумъяабазарт, шаардагдах санхүүжилтийн асуудлыг Сангийн сайд Б.Жавхланд үүрэг болгожээ.
Тэгвэл өнөөдрийн хуралдаанаар Хөдөө аж ахуйн их сургуулийн зарим сургуулийг Дархан-Уул аймаг руу, Шинжлэх ухаан технологийн их сургуулийн зарим шийдвэрийг Өмнөговь аймаг руу нүүлгэх ажлын бэлтгэлийг хангаж, стратегийг танилцуулахыг Боловсрол шинжлэх ухааны сайд Л.Энх-Амгаланд даалгасан байна. Эл асуудлыг ирэх долоо хоногийн Засгийн газрын хуралдаанаар хэлэлцэн шийдвэрлэхээр болжээ.
Холбоотой мэдээ
Сэтгэгдэл ( 10 )
маш зөв санаа байна ажил хэрэг болж биеллээ олоосой
Yag zuv hun amiin buugnurul huduu ruugee shiljihnee hodoo aimag sumiin hugjil irj bn
Энжи гэдэг нөхөрт. Өмнөговьд ирсэн хүн өнгөждөг, мөнгөждөг болохоос гүрвэл болдоггүй юм. Ирээд гүрвэл болсон бол өөрийн хохь хувь хүний ажилгүй арчаагүйгээс болсон байх.
аль болоныг болохгүй гэхэв дээ одоо нэг талдаа багтахгүй бол хэзээ ч нүүхгүй эрсдэлгүй зүйл гэж байхгүй
үйлдвэр аж ахуй дагасан сургуулиудыг нүүлгэх нь зөв хотод вэд нар юу хийхэв дээ хотын захирагаа ч гэсэн бушуу нүүх нь зөв дөө
Хоосон онолоосоо салж ажлын байр руугаа ойртож нүүх нь зөв. Улаанбаатарт ямар уул уурхай байгаа юм.Амьгүй онол шүтсэн сэтгэлгээгээ өөрчилж, бодит орчиндоо орж хөдөлмөрлөцгөөэ. Насаараа хотод шигдэж байхаар эрүүл агаарт гар.
ШУТИС-ЫГ ӨМНӨГОВЬД НҮҮЛГЭЭД БАЙХДАА ЯАХАВ ДЭЭ.ГОВЬД ХЭН ГҮРВЭЛ БОЛОХЫГ ХҮСЭХ ВЭ ӨМБҮҮ ОЮУЭРДЭНЭ ЭЭ.ЯДАХДАА ЭРДЭНЭТЭД НҮҮЛГЭМЭЭР ЮМ.ДАНКАР ТОЛГОЙТ ЭРҮҮЛ БИШ ЭЭ
Төвлөрөл, түгжрэл яг юунаас үүдэлтэй байгааг судлаад маш зөв шийдвэр гаргах хэрэгтэй. Нүүлгэн шилжүүлэхэд гарах зардлууд мөн ажиллах боловсон хүчин тэдний гэр бүл үр хүүхдүүдийн асуудлыг ямар замаар шийдвэрлэх гээд олон хүчин зүйлс гарч ирнэ.
Их сургуулиудыг устгах тийшээ бодлого явж байна уу. Их сургуульд :сургалтын орчин, сайн бэлтгэгдсэн профессор багш нар, номын сан, үйлдвэр шинжлэх ухааны байгууллага, төрөл бүрийн бусад мэргэжлийн үйлчилгээ, харилцаа хамтын ажиллагаа зайлшгүй. Аль аль нь тэр Дархан Өмнөголвьд байна уу. Хэн бий болгох вэ. маш их хөдөлмөр зүтгэл хэдэн арван жилээр хичээж мэрийсний хүчинд их сургуулийн хэвийн ажиллах нөхцөл бүрддэг гэдгийг ухаарах хэрэгтэй дээ.Нүүлгэнэ гэж мөн ч олон жил ярилаа, их ч мөнгө үүнд урссан байх. Үр дүн алга. Их сургуульд багшлахад бэлтгэгдсэн өндөр зэрэглэлийн эрдэмтэд гэхэд одоо
Сургууль нүүнэ гэдэг нь байр байшингийн асуудал бишээ. Багш нар хаана яаж гэр бүлээрээ амьдрах вэ ...? Толгой бодлого буруу байна аа