Франц Украинд 1.2 тэрбум еврогийн тусламж үзүүлнэ

Я.Болор | Zindaa.mn
2022 оны 02 сарын 09

Францын Ерөнхийлөгч Эммануэль Макрон сүүлийн 24 жилд анх удаа Украинд айлчлал хийв.

Макронтой хийсэн хэлэлцээний дараа Украины Ерөнхийлөгч Владимир Зеленский Украин, Европын өмнө тулгарч буй сорилтуудын тал дээр Макронтой санал нэг буйгаа мэдэгдэж, Донбасс дахь нөхцөл байдлыг энхийн замаар шийдвэрлэхэд үзүүлж буй Францын дэмжлэгийг өндрөөр үнэлжээ.

Макрон Парис ойрын долоо хоногуудад Украиныг тойрсон нөхцөл байдлыг тогтворжуулахыг зорьж байна гээд Украины хямралыг шийдвэрлэх цорын ганц гарц болох Минскийн хэлэлцээрийг хэрэгжүүлэхийг уриалсан байна.

Киев Нормандын дөрвөлийн уулзалтын хүрээнд /Герман, ОХУ, Украин, Франц/ төрийн тэргүүний түвшинд хэлэлцээ хийх, улс төрийн зөвлөхүүдийн уулзалтыг зохион байгуулах хүлээлттэй байна гэж мэдэгджээ.

Макрон, Зеленский нар мөн хоёр талын харилцаа, хамтын ажиллагааны асуудлыг хэлэлцэв. Тухайлбал, Франц улс Украинд 900 сая еврогийн өртөг бүхий галт тэрэгний зүтгүүр, 300 сая еврогийн өртөг бүхий гал унтраах техник нийлүүлэхээр болсон байна.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top