Хүүхдээ наршихаас сэргийлцгээе!

Нарших нь хэт халуун, хурц нартай өдөр гадаа удаан байх, нарны шууд гэрэлд толгой болон их биеэрээ байснаас нарны хэт ягаан туяаны хор биед нөлөөлөхийг хэлдэг. Хүний биеийн энгийн температур нь нарны хэт халуун температурт харилцан цохилцож, биеийн температур энгийн үеэсээ огцом дээшилснээр дараах сөрөг дагавар гарна.

• Ам цангаж, хэл ам хуурайших
• Хөлрөх
• Арьс хуурайших
• Толгой өвдөх, дотор муухайрах, ухаан алдах
• Гэдэс гүйлгэх, шингэх алдах
• Зүрх судасны эмгэгтэй хүмүүст хүндээр нөлөөлөх, даралт ихсэх

Наршихаас яаж сэргийлэх вэ?

• Ус байнга уух
• Хүйтэн бүлээн шүршүүрт орж, биеийн температурыг хадгалах
• Халуун, хурц нартай өдөр урт хугацаагаар болон тур хугацаагаар гадуур гарахдаа, аялал зугаалгаар явах гэж байгаа бол нарны малгай, шүхэр заавал хэрэглэж явах
• Нарны тусгалаас хол сүүдэртэй газар амарч тухлах
• Биедээ ус заавал авч явах, нарны малгай болон толгой, хүзүү, нуруугаа үе үе усаар норгож чийглэх
• Нарны халхавч, малгай байхгүй тохиолдолд алчуур норгож хэрэглэх, хатсан тохиолдолд дахин норгож хэрэглэх
• Хурц нартай өдөр час халуун цай, хоол идэхгүй байх, хөргөж идэх
• Архи, согтууруулах ундаа хэрэглэхгүй байх
• Нарны тусгалтай газарт унтаж болохгүй
• Нарны тос, түрхлэг байнга хэрэглэх