Үер, усны аюулаас сэрэмжтэй байхыг анхааруулж байна

Цаг уурын байгууллагаас ирүүлсэн мэдээллээр өнөөдрийн байдлаар Үүр, Зэлтэр, Балж, Хэрлэн, Улз, Халх, Хархираа зэрэг голууд үерийн түвшинг 5-30 см, Улз гол Баян-Уул сум орчимд үерийн аюултай түвшинг 5 см орчим даван үерлэж байна.

Наймдугаар сарын гол мөрний сарын дундаж түвшинг олон жилийн дундажтай харьцуулвал Сэлэнгэ, Орхон голуудын нийт уртын дагууд, Хэнтэй нуруунаас усжих Хараа, Ерөө, Туул, Тэрэлж, Сэлбэ, Онон, Хэрлэн, Балж Алтайн нуруунаас эх авах Ховд, Буянт, Турган, Сагсай зэрэг голууд тухайн сарын олон жилийн дунджаас 5-55 см ахиу байх бол Хөвсгөлийн уулсаас эхтэй Дэлгэрмөрөн, Эг, Бэлтэс, Шишхэд Хангайн нурууны ар, өврөөс усжих Идэр, Хануй, Чулуут, Хойттамир Чигэстэй, Богд, Яруу, Завхан, Түй, Байдраг, Шаргалжуут, Онги зэрэг голуудын хувьд олон жилийн дунджийн орчим буюу, дунджаас 5-30 см бага байх төлөвтэй байна.

Хэдийгээр зарим томоохон гол мөрний усны түвшин наймдугаар сарын олон жилийн дунджийн орчим, түүнээс бага байх хэдий ч сарын зарим өдрүүдэд гол мөрний усны түвшин тухайн хугацаанд орсон хур тунадасны эрчимшил, хэмжээнээс шалтгаалан огцом нэмэгдэж, олон жилийн дунджийг давж, богино хугацаанд үерлэн үерийн түвшинд хүрч, үерлэж болзошгүй ба түр зуурын аадар борооны улмаас хуурай гуу жалгаар уруйн үер буух нөхцөл бүрдэх боломжтой.

Иймд дээрх голууд болон голын сав дагуу суурьшиж, нутаглаж буй малчид, тариаланчид, аж ахуйн нэг байгууллага, аялал зугаалгаар явж буй иргэдийг үер, усны аюулаас сэрэмжтэй байж хуурай сайр, гуу жалганы  ойролцоо болон ам тосон бууж суурьшихгүй Онцгойлон анхааруулж байна.

Эх сурвалж: ЦУОШГ