Рамзан Кадыровыг Донецкийн Баатарын одонгоор шагнав

Бүгд найрамдах Донецк ард улс гэж өөрсдийгөө зарлан тунхагласан Донецк мужийн тэргүүн Денис Пушилин Чеченийн тэргүүн Рамзан Кадыровыг Донецк ард улсын Баатарын одонгоор шагнажээ.

Денис Пушилин Чеченийн тэргүүний одонг тус улсын төлөөлөгч нарт гардуулж буй зургаа Telegram сувагтаа нийтэлсэн байна.

Тэрбээр Кадыровын талаар “Тэр зэвсэг барин манай их Оросыг хамгаалсан. Танд маш их баярлалаа. Хамгийн гол нь Рамзан Ахматовичид Донбассын төлөө хийсэн, хийсээр байгаа зүйлд нь чин сэтгэлийн талархал илэрхийлье” гэжээ.
 

Пушилины Чеченийн төлөөлөгч нартай нийсэн уулзалтын үеэр мөн Донецкийн тэргүүнийг Кадыровын одонгоор шагнах тухай тогтоолыг уншиж танилцуулсан байна. Пушилин боломж гарангуут Грозный хотод очихыг хүсэж буйгаа илэрхийлжээ.