Далд сүрьеэг илрүүлэх ИГРА шинжилгээг нэвтрүүллээ

 "Сүрьеэ болон ям өвчний хяналт” төслийн хүрээнд далд сүрьеэг илрүүлэх ИГРА шинжилгээг нэвтрүүллээ.

 

Японы эрдэм шинжилгээний хүрээлэнгийн профессор, АУ-ы доктор С.Митарай 2022 оны аравдугаар сарын 17-25 ны хооронд Халдварт Өвчин Судлалын Үндэсний Төв-д ажиллалаа.

 

Япон улсын ЖАЙКА болон Эрүүл мэндийн судалгаа, хөгжлийн байгууллага (AMED)-ын санхүүжилтээр "Тогтвортой хөгжлийн төлөө шинжлэх ухаан, технологийн судалгааны түншлэл" (SATREPS) -ийн халдварт өвчний талбарт "Сүрьеэ болон ям өвчний хяналт” төслийг 2019 онд баталж,  Монгол Улс хамтран 2020 оны 11 дүгээр сараас эхлэн ЭМЯ-ны Нийтийн эрүүл мэндийн газрын даргын удирдлага дор ХӨСҮТ, Мал эмнэлгийн хүрээлэн, Хоккайдо их сургууль, Сүрьеэ судлалын хүрээлэн хамтран гүйцэтгэж, БШУЯ, ХХААХҮЯ, МЭЕГ, Сангийн яам хамтран хэрэгжүүлж эхлээд байна.

 

Япон-Монголын хамтран хэрэгжүүлж буй "Сүрьеэ болон ям өвчний хяналт” SATREPS төслийн хүрээнд Японы эрдэм шинжилгээний хүрээлэнгийн профессор, АУ-ы доктор С. Митара 2022 оны аравдугаар сарын 17-25 ны өдрүүдэд Халдварт Өвчин Судлалын Үндэсний Төвд ажиллалаа.

 

Энэ үеэр ХӨСҮТ-ийн Ерөнхий захирал АУ-ы доктор, дэд профессор Ц.Билэгтсайхан, дэд захирал Ж.Байгалмаа, Ц.Чинбаяр, СТСА-ы дарга АУ-ы доктор Э.Оюунчимэг, НЛА-ны дарга АУ-ы доктор Б.Бумдэлгэр нартай уулзаж, төслийн хэрэгжилт, цаашдын үйл ажиллагааны төлөвлөлт, анхаарах асуудлын талаар санал солилцсон юм.

 

 

Мөн Мал эмнэлгийн хүрээлэнгийн лабораторид зочилж, малын сүрьеэг (m.bovis) илрүүлэх шинжилгээний илрүүлэлтийн байдалд зөвлөгөө өглөө.

Уг төслийн хэрэгжилтийн хугацаанд төслийн баг Монгол улсад сүрьеэ болон ям өвчнийг хүн болон малын дундаас эрт илрүүлэх, халдварыг илрүүлэх, хүн, малын хооронд халдварын дамжих эрсдэлийг үнэлэх, өвчний тархалтыг тогтооход шинжлэх ухааны үндэслэлтэй суурь нотолгоог бүрдүүлэх юм.