ДОХ-ын халдвараар нас барсан иргэн эмчилгээгээ зогсоосон байжээ

Б.Гантуяа | Zindaa.mn
2023 оны 01 сарын 24

Хэвлэл мэдээллээр ДОХ-ын халдвартай эмэгтэй Хавдар судлалын үндэсний төвийн хашаанд нас барсан гэх мэдээлэл гарсан.

Дээрх мэдээллийг ХӨСҮТ-өөс тодруулахад “ДОХ-ын халдвартай гэдэг нь 2007 онд оношлогдсон 32 настай эмэгтэй ХӨСҮТ-ийн ДОХ/БЗДХ-ын тандалт судалгааны хяналтад эмнэлгийн тусламж үйлчилгээ авч байсан бөгөөд сүүлийн үед олон эрхтэн хавсарсан сүрьеэ өвчний улмаас хэвтэн эмчлүүлж байсан. Биеийн байдал нь хүнд байсан ч энэ сарын 19-нд өөрийн хүсэлтээр эмчилгээгээ зогсоож эмнэлгээс гарсан. Нэгдүгээр сарын 23-нд бие нь муудаж гэрийнхэн нь түргэн дуудсан боловч эмнэлгийн тусламж авч амжаагүй гэртээ нас барсан байна” гэлээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top