“Грийн групп” 3 дахь жилдээ Оны шилдэг аж ахуйн нэгжээр шалгарлаа

Монгол Улсын оны онцлох аж ахуйн нэгжийг шалгаруулдаг, Бизнесийн салбарын нэр хүнд, үнэ цэнийг тодорхойлдог  “Entreprenuer 2023” ёслол хүндэтгэлийн арга хэмжээ 26 дахь жилдээ зохион байгуулагдлаа.

Энэ үеэр бизнесийн салбарт өндөр амжилт гаргаж, нийгэм, эдийн засгийн хөгжилд бодитой хувь нэмэр оруулж буй онцлох ААН, байгууллага, бизнес эрхлэгчдээс шилдэг ААН-үүдийг тодруулав.

 

26 дахь жилдээ зохион байгуулагдаж буй уг арга хэмжээнд дэлхийд өрсөлдөх үндэсний брэнд бүтээгч "Грийн Групп" Оны шилдэг аж ахуйн нэгжээр гурав дахь жилдээ шалгарлаа.

"Грийн груп нь Хүнс үйлдвэрлэл худалдаа, Санхүү хөрөнгө оруулалт, Барилга бүтээн байгуулалтын чиглэлээр үйл ажиллагаагаа явуулж, орчин үеийн чиг хандлага технологийн дэвшлийг ашиглан, бүтээгдэхүүн үйлдвэрлэлдээ ИННОВАЦ шингээн, хэрэглэгчдийн гарт хүргэж, бизнесийн түншлэлийн төгс хувилбарыг нэвтрүүлэн ажилладаг групп компани юм.

 

 

"Грийн Групп" өнөөг хүртэл хүнс үйлдвэрлэлийн салбарт

 

• Үйлдвэрийн бүс нутагт 17 га талбай бүхий объект ашиглалтад орууллаа. Долоон салаа зам бүхий дэд бүтцээр өдөрт 50 вагон, нийт 2500 тонн бараа бүтээгдэхүүн хүлээн авах чадалтай, экспортын экосистемийн төслийг нэвтрүүлж 7,000 м2 агуулах бүхий төвлөрсөн “Дистрибюшн центр” төсөл хэрэгжүүлсэн “Грийн Интернэйшнл” ХХК байгуулагдав.

 

• Хоногт 200 тоннын хүчин чадалтай “Слава” үр тарианы үйлдвэр, "Грийн Импекс" ХХК байгуулагдав.

 

• Хоногт 100 тоннын хүчин чадалтай “Сакура” үр тарианы үйлдвэр, "Грийн Трейд" ХХК байгуулагдав.

 

• Хоногт 35 тонн бүтээгдэхүүн үйлдвэрлэх хүчин чадалтай "Лапша" гоймонгийн үйлдвэр, хоногт 15 тонн бүтээгдэхүүн үйлдвэрлэх хүчин чадалтай "Лапша fresh" гоймонгийн үйлдвэрийг "Грийн Индастри" ХХК байгуулав.

 

• Хоногт 60 тоннын хүчин чадалтай “Талын Монгол” ангилсан, хагас боловсруулсан махны үйлдвэр "Грийн Фактори" ХХК байгуулав.

 

• Монгол Улсын 21 аймаг, 365 суманд 24 цагийн дотор бүтээгдэхүүн хүргэх хүчин чадалтай тээвэр ложистикийн цогц шийдлийг бий болгосон “Грийн” ХХК байгуулав.

 

• Монгол Улсын үйлдвэрлэл, үйлчилгээ, худалдааны салбарт үйл ажиллагаа эрхлэх 13,000 гаруй харилцагчдыг нэгтгэсэн “Грийн Дистрибюшн” компанийг байгуулав.

 

• Европын сэргээн босголт хөгжлийн банкнаас Монголын хувийн хэвшилд анх удаа төгрөгөөр зээл “Грийн групп”-д олголоо.

 

• “Грийн Индастри” ХХК-ийн “Лапша” хэрчсэн гурилын үйлдвэр ЕСБХБ-аас хоёр дахь удаагаа төгрөгийн санхүүжилт авлаа.

 

• "Грийн Групп" Олон улсын BDO санхүүгийн аудитын байгууллагаар жил бүр бүрэн аудитлагдан баталгааждаг.

 

• Ерөнхийлөгчийн санаачилсан хүнсний хувьсгал үндэсний хөтөлбөрийн хүрээнд хоногт 100 тоннын хүчин чадалтай роботжсон технологи бүхий “Талын Монгол” гоймонгийн үйлдвэрийн төслийг эхлүүлэв.

 

• Байгалийн усалгаатай, химийн бордоогүй 30,000 тн “Талын Монгол” хүүхдийн гоймонгийн экспортын захиалга баталгаажлаа.

 

• Үндэсний брэнд бүтээгч "Грийн Групп" нь нийт 20 гаруй брэндийн, ISO олон улсын чанарын стандартаар баталгаажсан 500 гаруй нэр төрлийн бүтээгдэхүүнийг олон улсын болон дотоодын зах зээлд амжилттай нэвтрүүлсэн. 

 

• "Грийн" бизнесийн экосистемийн хүрээнд 2000 гаруй бэлтгэн нийлүүлэгчдээс байгалын нөхөн сэргээгдэх баялгийг авч, эдийн засгийн эргэлтэд оруулж, малчид тариаланчид, ЖДҮ эрхлэгчид болон хувь хэвшлийг дэмжин ажиллалаа.

 

• "Грийн групп" жилд 200 гаруй ажлын байрыг шинээр бий болгон 1200 гаруй ажилтантайгаар үйл ажиллагаа явуулж байна.

 

• Монгол Улсын хүнсний салбарт борлуулалт, түгээлтийн дэд бүтцийн хүчин чадал, менежментээр тэргүүллээ.

 

• “Грийн Групп” бүтээмжид суурилсан тэлэлтийг сүүлийн таван жилийн хугацаанд эрчимтэй хийж бүтээмжид суурилсан тогтолцоонд үе шаттайгаар шилжүүлж, нэг сарын цалингийн хэмжээг 10 сая төгрөг хүртэл өсгөлөө.

 

• “Грийн Групп” бизнесийн бүхий л үйл ажиллагаандаа LEED сертификатын ихэнх стандартыг хангахад анхаарч ажилладаг. Тодруулбал, технологийн шийдлээр дамжуулан эрчим хүчний хэрэглээг бууруулж байгаль орчинд ээлтэй, эдийн засгийн хэмнэлттэй байх “Ногоон” бүтээн байгуулалтын жишиг стандартыг тогтоож байна.

 

 

Барилга бүтээн байгуулалтын салбарт

 

• "Грийн групп" барилга бүтээн байгуулалтын салбарт шинэ жишиг стандартыг тогтоох “Active Garden” төслийг байгуулж улсын комисст хүлээлгэн өглөө. “Active Garden” нь Улаанбаатар хотын суурьшлын шинэ бүсэд эрүүл, идэвхтэй амьдралын хэв маягийг эрхэмлэн, нийт талбайн 70 хувийг нийтийн эзэмшил ногоон байгууламж, 14 хувийг барилга байгууламж, 16 хувийг автомашины зам талбай ба зогсоол байхаар төлөвлөсөн оршин суугчдаа эрхэмлэсэн өсөн нэмэгдэх үнэ цэн бүхий бүтээн байгуулалт юм. Уг төсөл нь олон улсад хүлээн зөвшөөрөгдсөн Кембрижийн хөтөлбөр бүхий 640 хүүхдийн багтаамжтай дунд сургууль, 120 хүүхдийн багтаамжтай цэцэрлэг, сургалт хөгжлийн төвүүдийг дэргэдээ байгуулсан.

 

• "Грийн групп" 5F концепцийг эрхэмлэсэн, 13 блок бүхий 136 айлын тансаг зэрэглэлийн “Active Villa” төслийг эхлүүлж, эхний захиалгаа аваад байна.

 

• Барилга, бүтээн байгуулалтын салбарт үнэ цэн бүтээж, жишиг стандартыг тогтоохоос гадна Грийн групп нь ногоон барилгын LEED стандартыг хэрэгжүүлэх бусад төслүүдэд хөрөнгө оруулалт хийж байна.

 

Санхүү хөрөнгө оруулалтын салбарт

 

• Ногоон санхүү хөрөнгө оруулалтын салбарт үйл ажиллагаа эрхлэх “Грийн Финтек” ХХК-г байгууллаа. “Грийн Финтек” ХХК нь байгалийн нөхөн сэргээгдэх баялгийг ашиглан эцсийн бүтээгдэхүүн үйлдвэрлэж буй 2000 гаруй бэлтгэн нийлүүлэгч, жижиг, дунд аж ахуйн нэгжүүдийг бага хүүтэй зээлээр санхүүжүүлж, бизнесийн үйл ажиллагаагаа тогтвортой тэлэх боломжийг олгох чиглэлээр ажилладаг.

 

• Үндэсний брэнд бүтээгч "Грийн Групп" мэдээлэл технологийн салбарт “Грийн Прожект” ХХК-г байгууллаа.

 

• Үндэсний брэнд бүтээгч “Грийн Групп”-ийн харьяа “Грийн Прожект” компанийн хэрэгжүүлж буй АBА төсөл мэдээлэл технологийн ирэн үед өндөр хөгжилтэй улс орнууд хүн, ачаа тээвэр, нийтийн тээврийн хүрэлцээ, түгжрэл, хөдөлмөрийн бүтээмж, эдийн засаг алдагдсан боломж, агаарын бохирдол, нүүрс төрөгчийн ялгарал дэлхийн дулаарал гэх мэт олон тулмагдсан асуудлыг шийдэх шийдлийн нэг хэмээн Хөдөлгөөнт үйлчилгээний дижитал платформ буюу Mobility as a Service / MaaS / нэвтрүүлэн ашиглаж байна.

 

• Бүгдийг багтаасан, Бүгдэд зориулсан уриатай “Грийн Прожект” компанийн уг төсөл нь хөдөлгөөнт үйлчилгээнд тулгардаг асуудлыг цогцоор нь шийдсэн хөдөлгөөнт үйлчилгээний дижитал платформыг технологийн инноваци, үйлчилгээний жишиг стандартыг төгс хослуулан хөгжүүлж, зах зээлд нэвтрүүллээ.