Тархиндаа чиптэй хүн бодлын хүчээр шатар тогложээ

Илон Маскийн “Neuralink” компанийн чипийг тархиндаа суулгуулсан анхны өвчтөн бодлын хүчээр шатар тоглож, дэвшил гаргаж буйгаа харуулжээ.

Найман жилийн өмнө осолд орж, мөрнөөсөө доош мэдээгүй болсон Нолан Арбо тархины имплантын тусламжтай бодлынхоо хүчээр зөөврийн компьютерын дэлгэц дээрх курсорыг хөдөлгөж, шатар нүүж байна. Тэрбээр мөн компьютер тоглоом тоглож байгаа тухай ярьжээ.

“Neuralink” компани Арбогийн тархинд чип суулгах мэс заслын энэ оны нэгдүгээр сарын 28-нд хийсэн билээ.