Сайхан арьстай байхад туслах 10 ЗӨВЛӨМЖ

Арьс арчилгаагаа зөв хийхийн тулд мэдэх шаардлагатай зүйлсийг арьсны мэргэжилтнүүд ийнхүү гаргажээ.

• Хамгийн эхлээд арьсныхаа төрлийг мэдэх хэрэгтэй. Арьсныхаа төрөлд тохирсон арчилгааг хийх явцдаа мөн уур амьсгал, нас зэргээс хамаараад хүний арьсны төрөл өөрчлөгдөж байдаг учир ажиглаж, арьсаа мэдэрч байх хэрэгтэй.
• Гоо сайхны бүтээгдэхүүн сонгохдоо насандаа биш нүүрний арьсандаа тохируулж авах нь чухал. Насны онцлогт тохирсон бүтээгдэхүүн хайх хэрэггүй. Учир нь насны заалт нь гоо сайхны бүтээгдэхүүн үйлдвэрлэгч компаниудын реклам байдаг аж. Үнэн хэрэгтээ тэд арьсны онцлогт нь тохируулж бүтээгдэхүүнээ гаргадаг.
• Гуужуулагчийг долоо хоногт нэг удаа хэрэглэ.
• Арьс тань бохирдолтой байвал ямар ч сайн бүтээгдэхүүн хэрэглээд дотогш орж үйлчлэхгүй. Арьсаа бүрэн цэвэрлэхийн тулд эхлээд тосон цэвэрлэгчээр арчиж цэвэрлээд, дараа нь хөөсөн цэвэрлэгчээр угаана. Учир нь хөөс тосыг бүрэн арилгаж чаддаггүй учир тосон цэвэрлэгчээр будаг, тос зэргээ арилгах хэрэгтэй. Өглөө ч мөн шөнийн турш арьсан дээр хуримтлагдсан тосыг арилгахын тулд тосон цэвэрлэгчээр цэвэрлэх хэрэгтэй.
• Цэвэрлэсэн арьсан дээрээ тоникийг эхлээд хэрэглэ. Тоник арьсны нүх сүвийг нээж, бүтээгдэхүүнийг дотогш оруулахад тустай.
• Салфеткан маскийг долоо хоногт 1-2 удаа хэрэглэ.
• Зовхины тосыг товшиж түрхэнэ.
• Арьсыг чийгшүүлэх нь маш чухал учир хуурайшиж, үрчлээтэхээс нь өмнө шөнийн маскийг тавьж сурах хэрэгтэй.
• Арьсаа хамгаалах бас нэг арга нь нарны тосыг сайн түрхэх. Нарны тосыг зузаан түрхэх тусмаа арьсаа сайн хамгаалж чадна.
• Эцэст нь амьдралын хэв маяг, зөв хооллолт маш чухал. Эрүүл хооллож, ус ууж, доторх хороо гадагшлуулаарай. Архи, тамхинаас арьсаа хамгаалж, хангалттай унтах хэрэгтэй.