Дубайн нисэх буудлын үйл ажиллагаа хэсэгчлэн сэргэжээ

Үерийн улмаас хаагдсан байсан Дубайн олон улсын нисэх буудал үйл ажиллагаагаа хэсэгчлэн сэргээжээ.

Нисэх буудал нэгдүгээр терминалаасаа үйл ажиллагаа явуулж эхэлсэн байна. Associated Press агентлагийн мэдээлснээр, нислэгүүд хойшлогдож байгаа тул зорчигчдыг зөвхөн баталгаажсан захиалгаар нэгдүгээр терминалд ирэхийг хүссэн байна.

Дубайд борооны улмаас үер болж, замууд усанд автан, нисэх буудал хаагдаж, нэг хүн амиа алджээ.

Нисэх буудал мягмар гарагт үйл ажиллагаагаа зогсоосон байсан юм.