Мөөг томуунаас сэргийлэхэд тустай болохыг тогтоожээ

Канадын судлаачид мөөг зөвхөн дархлаа дэмжээд зогсохгүй томуунаас сэргийлэхэд тустай болохыг тогтоожээ.

“Nature Immunology” сэтгүүлд бичсэнээр, мөөгөнд агуулагддаг бета-глюкан гэх нэг төрлийн полисахарид нь уушгины үрэвслийг бууруулж, үйл ажиллагаа нь сайжруулдаг байна. Хэдийгээр туршилтын хулган дээр хийсэн ч үр дүн нь амьсгалын замын өвчинтэй тэмцэхэд өндөр үр дүнтэй болохыг харуулжээ. Бета-глюкан нь дархлааг зохицуулах үйлчилгээгээрээ танигдсан хэдий ч шинэ судалгаагаар эл полисахарид дархлааны эсийг “дахин программчилж” бие организмд халдвартай тэмцэхэд нь тусалдаг болохыг тогтоожээ.

Бета-глюканы тун авсан хулгануудад халдвартай тэмцдэг нейтрофил эс их хэмжээгээр бий болохдоо тэдний үйл ажиллагаа илүү тогтвортой байжээ. Ингэснээр уушгины хатгалгаа зэрэг хүнд үр дагаварт хүрэхээс сэргийлсэн байна. Энэ үйлчилгээ нь сарын турш хадгалагдсан тул урт хугацаанд хамгааллын механизм бий болох боломжтой гэсэн найдвар төрүүлж байна.