Ким Сү Хёны зарласан хэвлэлийн бага хурал шүүмжлэл дагуулав
Жүжигчин Ким Сү Хён үүсээд буй нөхцөл байдалтай холбогдуулан анх удаа хэвлэлийн бага хурал зарлажээ.
Түүний харъяа агентлаг болох Gold Medalist-ийн зүгээс Ким Сү Хён өнөөдөр буюу гуравдугаар сарын 31-ны өдөр 16:30 цагаас Сөүл хотын Сангамдунд байрлах Стэнфорд зочид буудалд хэвлэлийн бага хурал зарлаж буйг мэдэгджээ. Тус хэвлэлийн бага хуралд түүний өмгөөлөгч Ким Жон Буг хүрэлцэн ирж, үүсээд буй нөхцөл байдалд биечлэн хариу өгөх аж.
Ким Сү Хёны агентлагийн зүгээс "Юуны өмнө сүүлийн үед үүсээд буй нөхцөл байдлаас үүдэн түгшүүр төрүүлсэндээ чин сэтгэлээсээ хүлцэл өчье. Бид энэхүү хурлаар сэтгүүлчдэд мэдээлэл хийх байдлаар зохион байгуулна" гэжээ.
Уг мэдэгдэл нь олон нийтийн зүгээс багагүй шүүмжлэл дагуулжээ. Учир нь Ким Сү Хён зөвхөн өөрсдийн бэлдэж ирсэн зүйлсийг ярих бөгөөд сэтгүүлчдийн асуултад хариу тайлбар өгөхгүй болохоо мэдэгдсэн байна.
Холбоотой мэдээ
.png)
Сэтгэгдэл ( 0 )