Трамп: Ираны эсрэг ажиллагаа дөрвөн долоо хоног үргэлжилнэ
“Ираны эсрэг явуулж буй цэргийн ажиллагаа ид явж байгаа бөгөөд тавьсан бүх зорилгод хүрэхээс нааш зогсохгүй” гэж АНУ-ын Ерөнхийлөгч Доналд Трамп өөрийн Truth Social хуудсаараа дамжуулан мэдэгджээ.
Тэрбээр Иранд алсын зайн тусгалтай пуужинтай болохыг зөвшөөрч болохгүй гээд Ираны эсрэг цэргийн ажиллагааг дөрвөн долоо хоног явуулахаар төлөвлөсөн тухай онцолсон байна. Иран том улс орон тул цэргийн ажиллагаа дөрөв орчим долоо хоног үргэлжилнэ гэжээ.
Хоёрдугаар сарын 28-ны өглөө АНУ Израилтай хамтран Ираны эсрэг цэргийн ажиллаагаа эхлүүлсэн билээ. Цагаан ордны тэргүүн ард иргэддээ хандан үг хэлэхдээ Иранд өгч буй цохилтуудыг тайлбарлахдаа Тегеран цөмийн амбицаасаа татгалзах хүсэлгүй байгаа тул “тэвчээр барагдсан” хэмээн тодорхойлжээ.
Ираны олон хотууд, тэр дундаа нийслэл хот цохилтод өртсөн билээ. Агаарын цохилтуудын улмаас Ираны дээд удирдагч Аятолла Али Хаменеи амь үрэгдсэн. Үүний хариуд Иран Израил болон Ойрх Дорнод дахь АНУ-ын цэргийн баазуудад хариу цохилт өгсөн юм.
The New York Times хэвлэлд мэдээлснээр, АНУ, Израил нь Ираны нийт 2000 гаруй байнд цохилт өгчээ.
Сэтгэгдэл ( 0 )