Байгаль орчны салбарын нээлттэй өдөрлөг Сүхбаатарын талбайд эхэллээ

Байгаль орчин, уур амьсгалын өөрчлөлтийн салбарын “Нээлттэй хаалганы өдөрлөг” Сүхбаатар талбайд өнөөдөр /2026.05.07/ эхэллээ.

Тус өдөрлөгөөр Байгаль орчин, уур амьсгалын өөрчлөлтийн яам болон салбарын харьяа байгууллагууд үйл ажиллагаагаа танилцуулж, иргэдэд мэдээлэл хүргэж байна.

Мөн агаарын бохирдол бууруулах технологи, шийдлүүдтэй танилцаж болно. Тухайлбал, “Горгаз” ХХК-ийн хийн түлшний технологи, “Нүүдэлчин эко ресурс” ХХК-ийн давхар шаталтат зуухны талаар мэдээлэл авч, сэргээгдэх эрчим хүч, нам даралтын зуух, дулаалгын шийдлүүдтэй танилцах боломжтой юм.

Тус “Нээлттэй хаалганы өдөрлөг” энэ сарын 9-ний өдөр хүртэл үргэлжилнэ.