“Micheal Learns to Rock” хамтлагийн гишүүдийг фэнүүд нь угтаж авна

Дэлхий даяар нийт цомгууд нь 11 сая хувь борлогдсон, Америк, Европ, Азид дээгүүр жагсдаг алдартай хамтлагуудын нэг “Micheal Learns to Rock” хамтлаг аялан тоглолтдоо сонсогчдын чихэнд хоногшиж, хит болсон дуунуудаа эгшиглүүлнэ.  “Micheal Learns to Rock” хамтлагийн гишүүд “Чингис хааны өлгий нутагт тоглолтоо хийх гэж байгаадаа баяртай  байна. 12 сарын 7, 8-нд Улаанбаатар хотод уулзацгаая” хэмээн хамтлагийнхаа вэб хуудсаар дамжуулан мэдэгдсэн аж. Түүнчлэн “Micheal Learns to Rock” хамтлаг 12 сарын 6-ны 14 цаг 30 минутад “Чингис хаан” олон улсын нисэх онгоцны буудалд буух бөгөөд үнэнч фэнүүд нь угтан авч ойроос харах боломжтой гэнэ. Мөн тус хамтлаг тэр оройноо хэвлэлийн бага хурал хийх ажээ.

Г.Энхтуяа