Евробүлгийн дарга ажлаас чөлөөлөгдөх хүсэлтээ гаргажээ
Евробүлгийн тэргүүн Жан Клод Юнкер энэ он дуусахаас өмнө ажлаа хүлээлгэж өгөх хүсэлтээ илэрхийлжээ. Тэрээр Европын Холбооны орнуудыг шинэ удирдагчаа хайж олохыг хүссэн байна. Энэ талаар Даваа гаригийн орой евробүсийн 17 орны сангийн сайд нарын зөвлөлийн төлөвлөлтийн дүнг хэлэлцсэн хэвлэлийн бага хурал дээр мэдэгджээ.
Тэрээр евробүсийн орнуудад “өөрийн залгамжлагчийг сонгох” талаар хүсэлт илэрхийлэн, “Би энэхүү албан тушаалаас энэ оны сүүл гэхэд, цаад хугацаа нь 2013 оны эхэн гэхэд чөлөөлөгдөх бодолтой байна” хэмээн өгүүлсэн байна.
Түүний оронд хамгийн магадлалтай нэр дэвшигч нь Германы сангийн сайд Вольфганг Шойбле хэмээн үзэж байна. Люксембургийн Ерөнхий сайд Жан-Клод Юнкер нь 2005 оны нэгдүгээр сарын 1-ээс хойш тасралтгүй Евробүлгийг тэргүүлж байсан аж.
Д.Мигаа
Холбоотой мэдээ
Сэтгэгдэл ( 0 )