Пальтотой сармагчин хүмүүсийг гайхшруулав
Канадын Торонто хотын Норт-Йорк район дахь IKEA дэлгүүрийн үйлчлүүлэгчид автомашины зогсоол дээр байгаа пальто өмсөж, памперс зүүсэн бяцхан сармагчинг хараад гайхацгаажээ. Энэхүү явдал арванхоёрдугаар сарын 9-ний өдөр болсон аж. Долоон сартай макака-резус түгжээтэй машинаас яагаад ч юм гарчихсан, эзнээ хайж явжээ.
“Сармагчин ийш тийш харснаа чангаар хашгирсан. Энэ чимээнээр гэнэт бөөн хүн цугларч, сармагчин их айсан байдалтай байсан” хэмээн нүдээр харсан хүмүүс ярьжээ. Тэдний өгүүлснээр, муурнаас жаахан биетэй тэрхүү бяцхан сармагчин их өрөвдөлтэй харагдаж байсан гэлцэнэ.
Дэлгүүрийн ажилтнууд тэр дор нь цагдаа дуудан түүнийг хүлээлгэж өгсөн ба тэд удалгүй эзнийг нь олж уулзсан аж. Сармагчингууд нь херпес, В гепатит зэрэг вирусын дамжуулагч болдог учраас гэрт тэжээхийг хориглодог бөгөөд уг Дарвин хэмээх нэртэй бяцхан сармагчны эзнийг 240 доллараар торгон, Дарвиныг Торонтогоос хойд зүгт 100 км-т оршдог амьтдын асрамжийн газарт шилжүүлсэн байна.
Дарвиныг гэртээ хамт байдаг бусад амьтадтай, ялангуяа Жако тотьтой хэрхэн харьцдаг байсан талаар эзэн эмэгтэй нь Youtube-д хөөрхөн бичлэг тавьсан нь хүмүүст ихэд таалагдаж байгаа аж.
Д.Мигаа
Холбоотой мэдээ
Сэтгэгдэл ( 0 )