АНУ-д алдартнуудын захидлыг дуудлага худалдаагаар зарлаа

Янз бүрийн эрин зуунд амьдарч байсан алдартнуудын 300 гаруй захидлын эхийг АНУ-д дуудлага худалдаагаар заржээ. Тэдгээр захидлууд хэдэн мянган доллараас хэдэн зуун мянгад үнэ хүрсэн байна.

Хамгийн түүхэн захиа нь Петр I хаанаас гүн Шереметевт бичсэн захидал байсан ба хамгийн үнэтэй нь зураач Винсент Ван Гогийн өөрийн сэтгэл санааны хүнд байдлын талаар найзууддаа нас барахаасаа хагас жилийн өмнө бичиж байсан захидал байжээ.

Орчин үеийн алдартнуудаас домогт The Beatles-ийн Жон Ленноны захидал байв. Тэрээр алдарт дөрвөл тарж бутарсны дараа хөгжмийн зохиолч Эрик Клэптонд шинэ хамтлаг байгуулах талаар санал тавин захиа бичиж байсан аж.

Д.Мигаа