Сочид газар хөдөллөө

Сочид 5,5 баллын хүчтэй газар хөдлөлт болжээ. Манайхаар өглөөний 06:47 цагт бүртгэгдсэн энэхүү газар хөдлөлтийн гол хүч Абхазын ойролцоо тэнгист таарлаа хэмээн Сочийн газар хөдлөлтийг хэмжих төвийн дарга Елена Карпович өгүүлжээ.

Урьдчилсан мэдээллээр, ямар нэгэн эвдрэл сүйрэл гараагүй байна.

Энэ нь сүүлийн долоо хоногт тус амралт сувиллын хотын оршин суугчдад мэдрэгдэж буй хоёр дахь газар хөдлөлт бөгөөд 23-ны өдөр Хойд Кавказад цуврал түлхэлтүүд мэдрэгдсэний хамгийн хүчтэй нь 5,7 балл байжээ.

Д.Мигаа