Тэнүүлч эр замын цагдаагийн дүрд тогложээ

Калининградын тэнүүлч эр замын цагдаагийн куртка өмсөн, Интернациональ гудамжинд автомашины хөдөлгөөнийг зохицуулж эхэлжээ. Сахалтай, согтуу эр замын голд зогсон, хөдөлгөөнийг гараараа удирдаж байсан аж.

Энэ үед тэрээр жолооч нарыг зогсоон, хэрхэн машин жолоодох талаар “сургаал айлдаж” эхэлсэн нь тэдэнд эргэлзээ төрүүлэн цагдаа дуудахад хүргэсэн байна. Ингээд дуудлагаар ирсэн хэв журам сахиулагчид хуурамч замын цагдааг баривчилсан аж.

Шалгах явцад, 58 настай, орон гэргүй уг эр гудамжнаас замын цагдаагийн хүрэм олсон ба түүнийг өмсөөд тээврийн хөдөлгөөний урсгалыг залан, нийгэмд тус нэмэр хүргэхийг хүссэн хэмээн мэдэгджээ.

Д.Мигаа