Италийн уулын цанын баазад жуулчид амь үрэгджээ

Италийн хойд зүгт альпийн нуруунд байрладаг Чермис уулын цанын амралтын газарт осол болж, зургаан хүн амь эрсэджээ.

 Бямба гаригт шилжих шөнө Зүүн Европын групп жуулчид өндөр уулан дээрх ресторанаас цаснаа явагчаар бууж явжээ. Reuters агентлагийн мэдээлснээр, амь үрэгдэгсэд бүгд оросууд байсан аж.

Аврагчдын таамаглаж байгаагаар, харанхуйд цаснаа явагчийн жолооч төөрөн, гэрэлтүүлэггүй замаар явж байгаад эгц хаднаас унасан бололтой.

Аврагчид дөрвөн эрэгтэй, хоёр эмэгтэй хүний цогцос олсон ба өөр хоёр зорчигч хүнд гэмтэл аван нисдэг тэргээр эмнэлэгт хүргэгджээ.

Д.Мигаа