Питт, Жоли нарын хүүхдүүд цагдаагийнхныг “түргэн авахуулав”

Брэд Питт, Анжелина Жоли нарын холливудын харшид нам тайван байсан оройн цагаар баахан цагдаагийн машин, нэг нисдэг тэрэг ирж бөөн сүр дуулиан болсон байна. Тэдэнд хүүхдүүдийн асрагч гайхан хаалгаа онгойлгон өгч, гэрт юу ч болоогүй, бүгд хэвийн байгааг дамжуулжээ.

Дараа нь бүх зүйлийн учир тайлагдахад, тэдний хүүхдүүдийн хэн нэг нь санамсаргүйгээр түгшүүрийн товчийг дарж, цагдаа дуудсан аж.

Дашрамд дурдахад, Питт, Жоли нар төрсөн 3, өргөмөл 3 нийт 6 хүүхдийг өсгөн хүмүүжүүлж байгаа ба хамгийн том Мэддокс 11 настай, хамгийн бага ихрүүд болох Нокс Леон, Вивьен Маршелин нар 4 настай юм.

Сүүлийн үед сэтгүүлчид тэднийг гэрлэсэн мэтээр мэдээлж байгаа ч тэд өөрсдөө энэхүү романтик мэдээллүүдийг үгүйсгэж байгаа аж.

Д.Мигаа