Үнсэлцэх дуртай бас романтик Ерөнхийлөгч

Хоёр дахь удаагаа АНУ-ын Ерөнхийлөгчөөр сонгогдоод байгаа Барак Обама тус улсын түүхэнд тодоос тод мөр үлдээж байгаа азтай нэгэн. Тэрбээр АНУ-ын анхны өнгөт арьст Ерөнхийлөгч болж байсан бол эдүгээ тус улсын түүхэнд хоёр дахь удаагаа сонгогдож буй анхны өнгөт арьстан Ерөнхийлөгч боллоо. Түүнээс гадна Опра Уинфригийн шоуны үеэр камерын дэргэд гэргийгээ үнссэн, ямар нэгэн хүлээн авалтын үеэр гэргийгээ халуун дотноор тэврэн хөгжмийн аязанд найган бүждэг гэх зэргээр түүнийг дагасан халуухан мэдээнүүд хөвөрдөг. Тиймээс түүнийг хамгийн романтик Ерөнхийлөгч гэхэд ч буруудахгүй аж.